Edinorrek Andaluziako lehenengo energia-komunitatea kudeatuko du
2022ko EKAINAK 30
Edinorrek kudeatuko du Sevillan, Merkataritza Ganberak eta probintziako hamabost bat udalek sustatuta, Andaluzian abiaraziko den lehenengo energia-komunitatea, udalerriei zein bertako bizilagunei energia sortu, banatu, kontsumitu eta merkaturatzeko aukera emango diena, trantsizio energetikoan aurrera eginez eta klima-aldaketaren aurkako borrokan lagunduz.
Sevillako Merkataritza Ganberak, probintziako udalerriekin batera, herritarren bizi-kalitatea hobetuko duen kudeaketa-eredu honetan lan egin du, herritarrak energia-ereduaren eragile nagusiak bihurtuz, energiaren sorkuntzari lotutako balizko eragileak diren heinean, deskarbonizaziorako estrategia globalean zein tokiko estrategian lagunduz.
Energia-komunitateei esker, udal bakoitzak bere energia sortu, banatu, kontsumitu eta merkaturatu ahal izango du, eta komunitate bat abian jartzeko, irabazi-asmorik gabeko elkartearen izaera juridikoa duen legezko erakundea eratu behar da, herritarrei, enpresa txiki eta ertainei zein tokiko agintariei energiaren amaierako erabiltzaile bezala bat egiteko aukera erraztuz, iturri berriztagarrietako energiaren sorkuntzan, kontsumoaren banaketan, biltegiratzean, horniduran eta agregazioan laguntzeko, edo energia-eraginkortasuna nahiz eskariaren kudeaketa-zerbitzua eskaintzeko.
Edinorrek (Petronorren filiala) kudeatzen duen formula honen bitartez, energia-komunitateari atxikitako familiek eta ETEek % 25 eta % 30 bitarteko aurrezki zuzena lor dezakete ohiko fakturan, gizartearekin ikuspegitik eguneratuta eta konprometituta dagoen kudeaketa digitalizatuaz gain.
Proiektua kudeatzeaz arduratu den Edinor izeneko Petronorren filialeko kontseilari ordezkari Juan Luis Diego Casals-en esanetan, enpresak “energia-komunitatearen barruan dagokion bazkide teknologikoaren eginkizuna betetzen du. Ez gara instalatzaileak, tokiko instalatzaileak bilatzen baitugu, eta ez dugu energia saltzen, izan ere, gure ardura eredua garatu eta proiektuaren ezagutza eta garapenaren ekarpena egitea izan da. Eta gogotik lan egin dugu, sustatzaileentzat erraza eta irisgarria izan dadin, kasu honetan udalentzat eta herritarrentzat, hauexek baitira amaierako bezeroak. Bestela esanda, herritar guztiei irekitako eredu integratzailea da, eta jasangarria ingurumenaren, ekonomiaren zein gizartearen ikuspegitik”.
Laburbilduz, tokiko energia-komunitateen helburua ingurune jasangarria sortzea da, herritarren parte-hartzea zein tokiko enplegua sustatuz eta onura ekonomiko eta sozialak sortuz energia arloko kostuen murrizketari esker, deskarbonizazioan nahiz ekonomia zirkularraren hobekuntzan lagunduz ingurune jasangarri batean.
TODA SEVILLA Tokiko Energia Komunitatearen bazkide sortzaileak dira Sevillako Gran Vega Landa-Garapenerako Taldea (Alcala del Río, Alcolea del Río, La Algaba, Brenes, Cantillana, Guillena, Lora del Río, La Rinconada, Peñaflor, Tocina, Villanueva del Río eta Minas eta Villaverde del Río herrietako udalek osatua) eta El Cuervo de Sevilla, Estepa eta El Real de La Jara herrietako udalak; eta Merkataritza Ganbera TODA SEVILLAren funtzionamendu egokia egiaztatzeaz arduratuko da Garantía Cámara ziurtapen-markaren bitartez.