Edinorrek TODA Valladolid tokiko energia-komunitatea sustatuko du, 30 udalerri baino gehiago biltzea aurreikusten duena

Javier Taberna, Nafarroako Merkataritza Ganberako presidentea; Víctor Caramanzana, Valladolideko Merkataritza Ganberako presidentea; Juan Diego, Edinorreko kontseilari delegatua, CEL TODA Valladolid proiektuaren aurkezpen ekitaldian.

2022ko IRAILAK 21

Edinorrek, Petronorren filialak, Gaztela eta Leonera zabaldu du Tokiko Energia Komunitateen (TEK) eredua, TODA Valladolid proiektua abian jarriz. Proiektu honek probintziako 30 udalerri baino gehiago biltzea espero du. Energia-ekimen honek herritarren parte-hartzea sustatuko du km0-ko tokiko energia iraunkorra sortzeko, udal-eraikinen estalkiak aprobetxatuz, eta, aldi berean, inguruko etxebizitzek eta denda txikiek % 25eko aurrezpena izango dute urteko faktura elektrikoan.

30 udal baino gehiagok parte hartu zuten 2023an martxan jarriko den proiektu honen aurkezpen-ekitaldian. Valladolideko Diputazio Probintzialean izandako ekitaldian, Conrado Iscar presidenteak nabarmendu zuen eredu honek herritarrei energia berriztagarriko tokiko baliabideetarako sarbide “justua eta erraza” ematen diela.

Valladolideko Merkataritza Ganberak bultzatuko du CEL TODA Valladolid, Nafarroako Merkataritza Ganberaren eta Edinor-Petronorren laguntzaz, proiektua gauzatzeko lankidetza-hitzarmenaren bidez.

Merkataritza-ganberak, lurralde-agintariekin batera, Euskadi eta Nafarroaz gainera, Kantabrian, Sevillan edo Errioxan ere ezartzen ari diren proiektu hauek bultzatzen ari dira. Horietan, Edinorrek bazkide teknologiko gisa parte hartzen du, hura eratzeko tresna juridikoak emanez, laguntzak eta finantzaketa kudeatuz, proiektuaren gauzatzea eta TEKen kudeaketa operatiboa zein energetikoa bermatuz, hasierako hiru urteko epean.