Barakaldok energia iraunkorra eta merkeagoa izango du 850 familia eta denda txikirentzat

Iñigo Ansola EEEko zuzendari nagusia, Astrid López de la Serna Siderurgia Integraleko Langileen Fundazioko zuzendaria, Amaia del Campo Barakaldoko alkatesa, Ana Morgado Moreno Ace Barakaldoko (Barakaldoko Merkataritza eta Hiri Enpresa Elkartea) presidentea, eta Juan Diego Edinorreko kontseilari delegatua.

2022ko EKAINAK 15

Barakaldok Euskadiko Tokiko Energia Komunitaterik handiena hartuko du, 850 familia eta denda txikiri energia-autokontsumorako sarbidea erraztuko diena, 10 udal-eraikinetan panel fotovoltaikoak instalatzeari esker. Barakaldoko ‘Tokiko Energia Komunitatea-TEK Barakaldo’ izeneko elkartea Edinorrek, Petronorren filialak, diseinatutako Tokiko Energia Komunitatearen ereduari dagokio, eta bai instalazioak egiteko zein mantentzeko, tokiko enpresak hautatuko dira lehentasunez. Horrekin guztiarekin lortu nahi da proiektuak udalerrian jarduera ekonomikoa eta enplegua sortzen ere laguntzea.

Bere garapen planaren oinarria 10 udal eraikinetan instalazio fotovoltaikoak jartzea da: Udalaren eraikin nagusian, udal biltegietan, Alondegian, Clara Campoamor Gizarte Etxean, CIS eraikinean, Retuertoko Kultur Etxean, Gurutzetako Gizarte Etxean, Burtzeñako Frontoian, Lasesarreko Kiroldegian eta Bituritxa LHIn. Eraikin horien kokapen estrategikoari esker, Komunitateak Barakaldoko udalerrian duen estaldura-eremua ia % 100era hurbilduko litzateke.

Bideragarritasun-azterketaren arabera, ekipamendu horrek 592,48 kWp-ko potentzia fotovoltaikoa izan dezake, eta ingurumen-inpaktu positibo nabarmena sortuko luke, atmosferatik 4.026 tona CO2 ezabatzearen baliokidea.

Zer da TEK bat?

Tokiko Energia Komunitateek, TEK izenekoek, energia berriztagarriaren kontsumoan alternatiba iraunkorra eta ingurumena errespetatzen duena eskaintzen diete herritarrei. TEKak eguzki-plakak instalatzen ditu udalerriko eraikinen estalkietan kontsumitzen den energia elektrikoaren % 25 sortzeko, eta gainerako % 75 jatorri berriztagarriko energia batera erosiz osatzen da, parte-hartzaileek merkatuko preziorik onenak eskura ditzaten.

TEK osatzen duten bizilagunek beren faktura elektrikoan aurrezten dute, bertatik kontsumitzen duten energia plaketatik deskontatuz; autonomia energetiko handiagoa dute, izan ere, plakak beren etxebizitzan instalatuko dituzte, baina inolako instalazio gehigarririk behar ez duten abantailarekin; eta energia % 100 berriztagarria kontsumitzen dute, atmosferara CO2 isurtzea saihestuz. Hori guztia etxean instalazio gehigarririk egin beharrik gabe eta hornidura elektrikoa ziurtatuta.